Ek ishaara kaafi tha

Doston ko yaaron ko

Zinda dil be-qaraaron ko
Door koi naa kar sake
Aik pal bhi piyaaron ko

Kitna haseen woh maazi tha

Har qadam ke saathiyon ko
Phool jaise daaliyon ko

Kho diya hai jaane kaise

Aur bhula ke baaqiyon ko

Piyaasa khud hi saaqi tha

Thodi ghalat fahmiyon ko

Facebook pe selfiyon ko

Like karen bhi jalan se

Karee karaai nekiyon ko

Aakhir hona paap hi tha

Hai meh jabeenon ko

Dilruba haseenon ko

Aashnaai ke bahaane 

Be-qaraar honton ko

Ek ishaara kaafi tha

Fasaad ke safeeron ko

Zulm ki zanjeeron ko

Dekho sutum zarefi yeh

Shayad un luteron ko

Zameer khud ka qaazi tha

Gehre dil ke zakhmon ko

Nafraton ke harbon ko

Rab ki inaayat se

Marz ke andheron ko

Nabi ka ujaala shaafi tha

Nasr-o-nazam ke khelon ko
Na jaao unke melon ko

Sukhan-e-dil farebi se

Khoobsurat sheron ko

Gungunaata Rahi tha

~ Rahil 'Rahi' Khan

Na Sako Ge Tum

Pata hum ko ada tumhaari hai

Yun hi bhula na sako ge tum

Jeet go sada tumhaari hai
Ulfat ko hara na sako ge tum

Milne ki bus dua tumhaari hai

Chah ke bhi paa na sako ge tum

Kya qadr-o-qaza tumhaari hai?

Zindagi lota na sako ge tum

Dil pe qudrat kya tumhaari hai
Muhabbat mita na sako ge tum

Rahi naam uska bohut aali hai 

Gira ke uthaa na sako ge tum

~ Rahil Khan

Aaj Kal Ke Zamaane Main

Aaj kal ke zamaane main

Insaaniyyat ko bhulaane main

Aik hi afwaah udaate rahe

Ghairaton ko uksaane main

Nafratain ubhaarte rahe

Piyaar kahaan is fasaane main 

Kaam uljhaate rahe

Sawere main, raat aane main

Facebook pe jaate rahe

Roothne main, manaane main

Anghoote yunhi thakaate rahe

Mobile ko tod daalne main

  

Ataa pataa chalaate rahe

Mizaaj ko aazmaane main

Tumhe hamdard banaate rahe

Doosron ke kaam aane main

Milne se katraate rahe

Ajnabiyyat hataane main

Zauq-e-guftaar ganwaate rahe

Husn-e-gumaan paane main

Tum haseen nazar aate rahe

Kirdaar ke paimaane main

Hanste aur hansaate rahe

Heer ke aastaane main

Sargoshiyon main sunaate rahe

Ghazal likhi weeraane main

Takhliyaa chaahte rahe

Zulf ke sir ho jaane main

khayaalon main hi paate rahe

Tum door ho gaye bulaane main

Rahi hum rah bhulaate rahe

Us ko humsafar banaane main

~ Rahil 'Rahi' Khan

Maaf Kar Dena

Makke ki taraf Rahi chala maaf kar dena
Nadaan samajh ke kaha suna maaf kar dena

Shikwey kiye hazaar in ghazlon ki oat main
Tum se nahi tha mujh ko gila maaf kar dena

Iqraar ko betaab tha arsey se mera dil
Zaban ki girah khulwaa na saka maaf kar dena

Dil saaf kiya laakh par bhaya na aap ko
Bhaata nahi mujh ko bhi gunah maaf kar dena

Daantain pilaa ke thak gayee teri zaban-e-sard
Main bhi hun aakhir doodh ka jala maaf kar dena
  
Haji to hum kehlaaen ge duniya ki nazar main
Nazron se gar teri main gira maaf kar dena

Ya Rabb tu meherbaan hai sadaa arsh-e-bareen par
Insaan apas main na hua maaf kar dena

Mujh ko Khuda bakshe, per mera mudda'a hain aap
Naacheez ko ae khalq-e-Khuda maaf kar dena

Mujrim they hum saffaak aur machaya humi ne shor
Kotowaal ko yun ulta daantna maaf kar dena

Kaaba kis mun se jaae ga yeh Rahi besharam
Ya Rabb woh jis din tujh se mila maaf kar dena

~ Rahil Khan

Nation's Call on Memorial Day

Come one; And, come all
Jose, Sita, Ahmed, Paul

A day to honestly reflect
How nations rise, haters stall

Race for the human race
World gallops while we crawl

Men and women in uniform
Who gave it all to nation's call

Freedom earned with sacrifice
Wasn't grabbed in a brawl

United, we shall certainly stand
Divided, we will surely fall

Lest we forget we saw
U.S.A standing tall

Now, lone cops - no allies
In countries big and small

Try making it "Great Again"
With just white Barbie doll

We want immigrants out
Whose taxes built that mall

What next? Internment camps?
Freedom trapped, occupations sprawl

Forefathers from their graves
Shaking heads, pointing to y'all

"Touch names of heroes fallen
And don't build that other wall"

~ Rahil Khan

Yaad

Naiyya paar lagaati hai
Her ik thokar sikhaati hai

Bhulaaen laakh hum jinko
Unhi ki yaad saathi hai

Woh pudia hai sharaarat ki
Agar cheh  'yaad'  kehlaati hai

Tasawwar main bhi aksar woh
Manaa ker rooth jaati hai

Udaas ho jab ghazal sun ke
Taraane gungunaati hai

Khushi ki yaad bun ker phir
Yunhi ik dam rulaati hai

Per tanhaai aur yeh ik yaad
Mehfil ki jaan yeh saaqi hai

Nazar koi aae kaam aata
Aahat bajia ki aati hai

Shafqat se thapki daddy ki
Hamesha rah dikhlaati hai

Woh dekho ammi bhi huns ke
Donon ko gale lagaati hain

Dua nikli jo aansu sung
Sukoon dil mein basaati hai

Apnon ki judaai per Rab ki
Rehmat humko manaati hai

Woh piyara chalaa gaya per shukr
Keh unki yaad to baaqi hai

Khuda ki Yaad ho jo saath

Aaqibat yehi banaati hai

Ae Raahi sun keh woh Baange-
-Darah tujh ko bulaati hai

~ Rahil "raahi" Khan

Duago Jana

Nawazish Uski humko aap ne qalam-o-loh jana

Bina manzil tha warna yeh safar chalte raho janan

 
Rahe ghaafil hum apne humsafar insaan ki azmat se 
Bahana aik na tha wajh-e-bai-zameer ho jana 

Na the faarigh ke aate kaam hum bhi doosre shakhs ke
Yahan her kaam hai bus apne kaamon mein hi kho jana

Salam un par hain jo bai-laos aur dil jinke hain jaage 
Giran nahin mehfil mein warna sun azaan so jana 

Ho tum raahi, zara tehro, to yeh aarzu lo janan 
Dua-e-khair se aae the, ab tum hi duago jana

~ Rahil "raahi" Khan