Do Gawaah

Ab maamla is mod pe aakar teher gaya

Bola mujhe gawahon ka waada kidhar gaya

Baat hai dil ki sahi per un ka hai hukum
Yan chashm-deed gawaah bhi zaalim se dar gaya

Ishq hai qaatil per de ga maut main sukoon

Subha hui to raat ka mushkil peher gaya

Le de ke teher gaye the do gawaah mere paas 

Jin ke hazoor dost tamasha yeh kar gaya

Pehla gawah, 'waqt' to kub ka guzar gaya

Phir Rahi waqt aane pe woh bhi mukar gaya

~ Rahil 'Rahi' Khan

Dekho To Zara

Makke se khush haji aya dekho to zara
Kia usne khoya kia hai paya dekho to zara

Duniya ke melon ki taraf phir dil hua maail
Ya us ne rab dil main basaaya dekho to zara

Hai nadaamat us ko apna maazi dekh kar
Apne gunahon se sharmaya dekho to zara

Her saael pe karam aur subke gunaah maaf
Sab ki dua-e-khair kar aaya dekho to zara

Apno ke saath zindagi ki naee ibtida
Sab ke liye piyar jagaya dekho to zara

Shaitan her taraf aur apna nafs bhi paapi
tazkya-e-nafs kar dikhaya dekho to zara

Allah ne banaya tha jise khaas ik mehmaan
Ummat ki fatah maang laya dekho to zara

Arafat ka maidaan khushi ka woh thikhaana
Dil khol ke aansoo bahaaya dekho to zara

Rahi tha gunah-gaar yaa rab sir se per tak
Kia khoob nau-maulood lotaya dekho to zara

~ Rahil "Rahi" Khan

Unke Hont Per

Her saans ko chhooti hui, jhuki jhuki nazar
Hum daikhte hi reh gaye manzil ko bhool kar

Kuch guftugu shereen, gehri zulfon ki lehar
Baaqi na raha hosh, aisa husn ka seher

Deedaar-e-yaar se qabal aati hai yeh khabar
Woh kar chuka hai qasd-e-hijr bun ke hamsafar

Hukum diya husun saraapa ne is taraah
Firaaq hi insaan ko banati hai sukhanwar

Likhi nahi ghazal koi muddat se aap ne
Gawaara nahi ab tera afsaana mukhtasar

Ghazlon men jitna chaahen hum bolen ye dil ki baat
Per kar naa saken kabhi ise supurd-e-nasar

Salaam na likhaa to karen unko hum naraaz
Majaal nahi pesh kar den dil-o-chaak jigar

Jigar aakhir qaabu kiya unki adaaon pe
Per dil na seh sakaa qaatil aankhon ka asar

Yaar ko bhoolen, to bhooli yaad phir aaee 
Chahaa tha unko hum ne yun be-los is qadar

Piyaar se nahi to chalo shikwa hi sahee
Aaya to mera naam aakhir unke hont per

Koo-e-yaar jab se hua qaafley ki dhool
Phirtaa hai beqaraar yeh majnoo idhar udhar

Aata nahi nazar jis ki hai Rahi ko talaash
Chhaan maare saare Masaajid aur Girja Ghar

~ Rahil 'Rahi' Khan

Love sure has funny ways

Here is the English version of this (stanza by stanza - check it out)

Best friends for life, no less
Bold, young and the restless
Friendship never second to hate
Trying that was useless

Those were the days


Acquaintances that everyone seeks
Rose so pretty among the leaves
So mercilessly erased
Oh those fond memories

Barkeeper never satiates


Trust broken on a whim
Statuses out, selfies in
Like, and you will be spared
Ignoring is a bigger sin

Doing good never pays


Heartthrobs race to thrill
Little wonder looks could kill
Delicate lips captivate
Words that betray my will

Love sure has funny ways


Criminals roam gleefully
Oppressors who decree
When justice is delayed
The truth shall set you free

Conscience cures whatever ails


Growing pains, imminent doom
Deep divide, inflicted wounds
God's Will has been declared
Darkness will be over soon

The Messenger illuminates


Poetry, good old fun
Seen them all, if seen one
Heart felt, when he shared
In these couplets, and then some

Rahi blazes all new trails

~ Rahil 'Rahi' Khan

Ek ishaara kaafi tha

Doston ko yaaron ko

Zinda dil be-qaraaron ko
Door koi naa kar sake
Aik pal bhi piyaaron ko

Kitna haseen woh maazi tha

Har qadam ke saathiyon ko
Phool jaise daaliyon ko

Kho diya hai jaane kaise

Aur bhula ke baaqiyon ko

Piyaasa khud hi saaqi tha

Thodi ghalat fahmiyon ko

Facebook pe selfiyon ko

Like karen bhi jalan se

Karee karaai nekiyon ko

Aakhir hona paap hi tha

Hai meh jabeenon ko

Dilruba haseenon ko

Aashnaai ke bahaane 

Be-qaraar honton ko

Ek ishaara kaafi tha

Fasaad ke safeeron ko

Zulm ki zanjeeron ko

Dekho sutum zarefi yeh

Shayad un luteron ko

Zameer khud ka qaazi tha

Gehre dil ke zakhmon ko

Nafraton ke harbon ko

Rab ki inaayat se

Marz ke andheron ko

Nabi ka ujaala shaafi tha

Nasr-o-nazam ke khelon ko
Na jaao unke melon ko

Sukhan-e-dil farebi se

Khoobsurat sheron ko

Gungunaata Rahi tha

~ Rahil 'Rahi' Khan

Na Sako Ge Tum

Pata hum ko ada tumhaari hai

Yun hi bhula na sako ge tum

Jeet go sada tumhaari hai
Ulfat ko hara na sako ge tum

Milne ki bus dua tumhaari hai

Chah ke bhi paa na sako ge tum

Kya qadr-o-qaza tumhaari hai?

Zindagi lota na sako ge tum

Dil pe qudrat kya tumhaari hai
Muhabbat mita na sako ge tum

Rahi naam uska bohut aali hai 

Gira ke uthaa na sako ge tum

~ Rahil Khan

Aaj Kal Ke Zamaane Main

Aaj kal ke zamaane main

Insaaniyyat ko bhulaane main

Aik hi afwaah udaate rahe

Ghairaton ko uksaane main

Nafratain ubhaarte rahe

Piyaar kahaan is fasaane main 

Kaam uljhaate rahe

Sawere main, raat aane main

Facebook pe jaate rahe

Roothne main, manaane main

Anghoote yunhi thakaate rahe

Mobile ko tod daalne main

  

Ataa pataa chalaate rahe

Mizaaj ko aazmaane main

Tumhe hamdard banaate rahe

Doosron ke kaam aane main

Milne se katraate rahe

Ajnabiyyat hataane main

Zauq-e-guftaar ganwaate rahe

Husn-e-gumaan paane main

Tum haseen nazar aate rahe

Kirdaar ke paimaane main

Hanste aur hansaate rahe

Heer ke aastaane main

Sargoshiyon main sunaate rahe

Ghazal likhi weeraane main

Takhliyaa chaahte rahe

Zulf ke sir ho jaane main

khayaalon main hi paate rahe

Tum door ho gaye bulaane main

Rahi hum rah bhulaate rahe

Us ko humsafar banaane main

~ Rahil 'Rahi' Khan